ලසිත දුමින්ද
කොවිඞ් 19 රෝගයට ඉන්දියාව නිෂ්පාදනය කළ එන්නත ලබන 27 වැනිදා ඉන්දියාවේ සිට දිවයිනට රැුගෙන එන බව ජනාධිපති ගෝඨාභය රාජපක්ෂ මහතා පැවසීය.
අදාළ එන්නත නොමිලේ ලබාදීමට ඉන්දීය රජය එකඟතාව පළකර ඇති බවත් ජනාධිපතිවරයා කීවේය. හෙතෙම මේ බැව් පැවසුවේ කළුතර දිස්ත‍්‍රික්කය කේන්ද්‍ර කර ගනිමින් යට්ටපාත ග‍්‍රාමයේ පෙරේදා (23 වැනිදා) පැවති ගම සමඟ පිළිසඳර වැඩසටහනට එක්වෙමිනි. එන්නත මෙරටට රැගෙන ඒමෙන් පසුව පසුදිනම සෞඛ්‍ය සහ ආරක්ෂක අංශ සාමාජිකයන් වෙත එන්නත් කිරීම ආරම්භ කරන බවත් ගෝඨාභය රාජපක්ෂ මහතා සඳහන් කළේය.
එසේම අප රටට අවශ්‍ය එන්නත් ප‍්‍රමාණය කඩිනමින් ගෙන්වා ගැනීමට ඉන්දියාව, චීනය සහ රුසියාව සමග දැනටමත් සාකච්ඡුා කර ඇති බවත්, ඒ සඳහා ජනාධිපති ජ්‍යෙෂ්ඨ උපදේශක ලලිත් වීරතුංග මහතාගේ ප‍්‍රධානත්වයෙන් කමිටුවක් ද පත් කර ඇති බවත් ජනාධිපතිවරයා වැඩිදුරටත් කියා සිටියේය.