මහින්ද එන්නේ ශ්‍රීලනිප ප්‍රමුඛ සන්ධානයෙන්
– ප්‍රියංකර ජයරත්න කියයි
ඉදිරි මහ මැතිවරණයේදී හිටපු ජනාධිපති මහින්ද රාජපක්‍ෂ මහතා ශ්‍රී ලංකා නිදහස්‌ පක්‍ෂයෙන්පක්‍ෂය ප්‍රමුඛ එක්‌සත් ජනතා නිදහස්‌ සන්ධානයෙන් තරග කරන බව හිටපු අමාත්‍ය පියංකර ජයරත්න මහතා පවසයි.
අපේ පක්‍ෂයේම ඉන්න එක්‌සත් ජාතික පක්‍ෂයට හිතවත් පිරිසක්‌ පක්‍ෂය දෙකඩ කර එජාපයට වාසි ලබාදීමට උත්සාහ ගන්නවා. එය පරාජය කළ යුතුයි. රටේ ජනතාවගේ බහුතර කැමැත්ත තියෙන්නේ කාටද කියන එක ඉදිරි මහ මැතිවරණයේදී තීරණය කළ හැකියි. එනිසා අගමැති අපේක්‍ෂක කවුද කියලා අමුතුවෙන් කියන්න අවශ්‍ය නැතැයි ද පියංකර ජයරත්න මහතා සඳහන් කළේය.
ශ්‍රී ලංකා නිදහස්‌ පක්‍ෂය සමග සිටින සුළු පක්‍ෂ හිටපු ජනාධිපතිවරයා අගමැති අපේක්‍ෂකයා ලෙස තරග කරනවාට විරුද්ධත්වය ප්‍රකාශ කර ඇති නිසා හිටපු ජනාධිපතිවරයා මෙලෙස වෙනම තරග කරනු ඇතැයි හෙතෙම සඳහන් කළේය.
මේ අතර අමාත්‍ය සරත් අමුණුගම මහතා සඳහන් කළේ ශ්‍රී ලංකා නිදහස්‌ පක්‍ෂයට සම්බන්ධ සුළු පක්‍ෂවල ඉල්ලීම වනුයේ කථානායක චමල් රාජපක්‍ෂ මහතා අගමැති අපේක්‍ෂක කරන ලෙසට බවය. පෙරේදා (01 වැනිදා) ජනාධිපති මෛත්‍රීපාල සිරිසේන මහතා සමග පැවැති සාකච්ඡාවේදී ඔවුන් මෙම ඉල්ලීම කළ බවත් විශේෂයෙන්ම ද්‍රවිඩ පක්‍ෂ ඉතා දැඩිව මෙම ඉල්ලීම කළ බවත් ඇමැති සරත් අමුණුගම මහතා සඳහන් කළේය.