මොරටුව සහ පානදුර ප්‍රදේශවල සිටිනා ක්‍රිස්තියානි බහුතරය ගේ අතීතය දන්නවාද?
වීර මොනරවිල කැප්පෙටිපොළ මහාදිකාරම් තුමාගේ නායකත්වයෙන් ආරම්භ වුන 1818 නිදහස් අරගලයේදී උඩරටින් එයට සම්බන්ධ වූ සිංහල බෞද්ධයින්ව සමූලඝාතනය කළ බ්‍රිතාන්‍ය ජාතිකයින් ඔවුන්ගේ දරු පවුල් වල සිටිනා පිරිමි දරුවන්ව පවා සොයමින් ඉතාමත් කෘර ලෙස ඝාතනය කිරිමට තරම් ම්ළේච්ඡ විය. එම මහා මිනිස් සංහාරයෙන් පසුව උඩරටින් නිදහස් අරගලයට සම්බන්ධ වූ සිංහලයින්ගේ ඉතිරි අඹු දරුවන්ව අත් අඩංගුවට ගෙන රැගෙන විත් මොරටුව සහ පානදුර ප්‍රදේශවල සාදන ලද රැඳුවුම් කඳවුරු වල පදිංචි කරවා ක්‍රිස්තියානි පූජකයින් ලවා මොළ ශෝධනය කරමින් කිතු දහමට පරිවර්තනය කළෝය. පානදුරයට ගෙන ආ ජනතාව අතර කැප්පෙටිපොළ වීරයාගේ එකම පුත්‍රයා සහ භාර්යාවද සිටි අතර පුත්‍රයාව පානදුරේ ඇති ක්‍රිස්තියානි පල්ලියක රඳවා තිබියදී අසාමාන්‍ය ලෙස රෝගාතුර වී මරණයට පත් විය.
මෙහිදී මේ අයගේ ආගම් මාරු කරවන ලද්දේ නිදහස් අරගලයට සම්බන්ධ වූ පවුල් වල අයව බ්‍රිතාන්‍යයින්ට පක්ෂපාතී වැසියන් කිරීමේ අරමුණිනි. නමුත් මේ සඳහා අධික වියදමක් යන බැවින් එම මොළ සේදීමේ ක්‍රියාවලිය මේ පවුල් වලට විතරක් සීමා විය.
බ්‍රිතාන්‍යයින්ගේ බලපෑම නිසා පානදුර සහ මොරටුවේ බහුතර කිතුනුවන් වර්තමානයේදී ක්‍රිස්තියානි ආගමට ගැලපෙන සහ සිංහල බෞද්ධ නොවන නම් හා වාසගම් භාවිතා කළද තමන්ගේ පෙළපත් ගැන අධ්‍යයනයක යෙදුනොත් තම මුතුන් මිත්තන්ගේ වාසගම්, උඩරට සිංහල බෞද්ධ බව සොයා ගැනීමට පුළුවන. මෙය ජාතික ලේඛනාරක්ෂක දෙපාර්තමේන්තුවට ගොස් සොයා ගැනීම අපහසු නැත. මේ සඳහා මා දන්නා බොහෝ උදාහරණ ඇති නමුත් ඒ වාසගම් අයිති පවුල් වල පුද්ගලිකත්වයට බලපාන කරුණු පළ කිරීම අනුචිත නිසා මෙහි සඳහන් නොකරමි.
වෙනත් රටවල ජන කණ්ඩායම් වල අතීතය සෙවීමට වෙනමම රාජ්‍ය අනුග්‍රහය ලබන සංවිධාන ඇති නමුත් ශ්‍රී ලංකාවේ එවැන්නක් නොමැති වීම කණගාටුවට කරුණකි. එසේම සමාජ විද්‍යාව වැනි විශයන් හදාරන විශ්ව විද්‍යාල ශිෂ්‍යයින් මේ ගැන විමර්ශණ කර නැද්ද, නොකළේ එවැනි ව්මර්ශණ ඊනියා බටහිර ගැති ඇදුරන් විසින් ප්‍රතික්ෂේප කරන නිසාද, නො එසේනම් එවැනි විමර්ශණ ඇති නිබන්ධනයන් යකඩ සේප්පු වල වසර කිහිපයක් රැදී සිට දහනය වන නිසාදැයි කීමට මම නොදනිමි. එසේම මේ ගැන සෙවීමට සමහර කිතුනු දේශපාලඥයින් සහ ආගමික නායකයින් විරුද්ධ වෙන්නේ තම ජනතාවගේ අතීතය සිංහල බෞද්ධ යැයි පෙනුනොත් ඒ ජනතාව විප්ලවීය තීරණයක් ගැනීමට ඉඩ තිබෙන නිසාය., එසේම මෙතෙක් කාලයක් ඔවුන් ඉතාමත් නින්දිත ලෙස සිංහල බෞද්ධයින්ට බැන ඇත්නම් ඒ බැනුම් තම මුතුන් මිත්තන්ටත් වදින බව පෙනෙන නිසාය.
සිංහල බෞද්ධයින් වන අප කිසිදු ආගමකට නිරපරාදේ අපහාස නොකරමු, නොකිරිය යුතුය. නමුත් ආගමක නාමයෙන් සමාජ විරෝධී ක්‍රියාවන් සිදු වේනම් ඒ ගැන අනෙකුත් බෞද්ධයින්ව දැනුවත් කළ යුතුය. එසේ කරන්නේ ඒ සමාජ විරෝධීන්ව මර්ධනය කිරීමට නොව ඔවුන්ගෙන් අපගේ මිතුරන්ව බේරා ගැනීමට අනතුරු සංඥාව හැඬවීමටය. නමුත් මෙම කරුණ නිසාම සමහර සිංහල ක්‍රිස්තියානී වරුන් (ඉතාමත් සුළුතරයකි) සිංහල බෞද්ධ මතවාදය නියෝජනය කරන උදවියට පන්න පන්නා අසැබි ලෙස වාග් ප්‍රහාර එල්ල කරයි. නමුත් ඔවුන්ගේ අතීතය සොයා බැලුවොත් පරම්පරා දහයකට පෙර ඔවුන්ගේ මුතුන් මිත්තන් තම පණ දෙවැනි කර බුදු සසුන සහ සිංහල ජාතිය සුරැකි විරුවන්ය. තම ලේ වල සත්‍යය වසන්නේ කෙසේද? මුහුණ සමග තරහා වී නහය කපා ගත හැකිද?
හිට්ලර් නම් වර්ගවාදියා තමන්ගේ පරම්පරාව පැවත එන්නේ පිරිසිදු ආර්ය වරුන්ගෙන් නොවන බව දැනගත් විට මහත් සේ කම්පා විය. නමුත් පානදුර සහ මොරටු වාසී අබෞද්ධ මිතුර මිතුරිය, ඔබ ඔබගේ පෙළපත් පැවත එන්නේ උඩරට විසූ තම දිවි පරදුවට තබමින් මාතෘ භූමිය පරසුද්දාගෙන් බේරා ගැනීමට සටන් කළ වීරෝධාර සිංහල බෞද්ධයින්ගෙන් බව දැනගතහොත් ඔබට පස්වනක් ප්‍රීතියෙන් උද්දාම විය හැකිය. මන්ද යත් ශ්‍රී ලංකාවට ඇති නිජබිම් අයිතිය සුද්දන්ට ගැති කම් කළ උදවියගෙන් පැවත එන උඩරට සිටින සමහර රදලයින්ට සහ සුද්දන් සමග කිසිදු හබයකට නොගොස් තම වරිගය බේරා ගත් අනෙක් උදවියට වඩා, නිදහස් අරගලයේදී දිවි පුදන ලද විරුවන්ගෙන් පැවත එන ඔබට ඇති බැවිනි.
පානදුර සිංහල බෞද්ධ පුරවරයේ, රන්කොත් වෙහෙරේ කොත් කැරැල්ලෙන් අහසට පැණ නගින සවණක් රැස් දහරා කදම්භයෙන්, අධිරාජ්‍යවාදීන්ගේ සට කපට කම් සහ මරණ තර්ජනාංගුලි හරහා බලහත්කාරයෙන් පැටවූ ආගමක සිටින අපගේම සිංහල මිතුරන්ට ද නුදුරේදීම ආළෝකය ලැබේවා යන්න අපගේ පැතුමය. ඒ අතර මොරටු වෙරළේ ඇති, සුනාමියට පවා සෙළවීමටවත් හොහැකි වූ සමාධි බුද්ධ ප්‍රතිමා වහන්සේලා තවමත් ඔබ දෙස උපේක්ෂාශීලීව නෙත් යොමා වැඩ සිටින සේක.
