මා වග කියන්නේ ඡන්දදායකයන්ට පමණයි
විග්නේෂ්වරන් කියයි
ද්‍රවිඩ සන්ධානය ලියාපදිංචි පක්‍ෂයක්‌ නොවන බවත් තමා වගකියන්නේ ඡන්දදායකයන්ට පමණක්‌ බවත් උතුරු මහ ඇමැති සී. වී. විග්නේෂ්වරන් මහතා යාපනයේ මාධ්‍ය අමතා ප්‍රකාශ කර ඇත.
තමා කිසිදු දේශපාලන පක්‍ෂයක සාමාජිකයකු නොවන බව පැවසූ විග්නේෂ්වරන් මහතා ද්‍රවිඩ සන්ධානය පක්‍ෂ හතරකින් සැදුම්ලත් සංවිධානයක්‌ බවත් ඔවුන් තමාගෙන් මහ ඇමැති ධුරයට තරග කරන ලෙස ඉල්ලා සිටිය බවත් කීවේය.
උතුර හමුදාකරණයෙන් නිදහස්‌ විය යුතුයි යන ඉල්ලීම ද්‍රවිඩ සන්ධාන මන්ත්‍රී එම්. කේ. සුමන්තිරන් විසින් බැහැර කළ බවටද විග්නේෂ්වරන් චෝදනා කළේය.